តារា​លំដាប់​ពិភព​លោក​ 5 រូប​ដែល​​បាន​ប្រាប់​​ថា​ជាប់​ចិត្ត​ជាមួយ​ប្រទេស​កម្ពុជា – Kalib9 ប្លែកៗ | Kalib9
kalib9

តារា​លំដាប់​ពិភព​លោក​ 5 រូប​ដែល​​បាន​ប្រាប់​​ថា​ជាប់​ចិត្ត​ជាមួយ​ប្រទេស​កម្ពុជា

តារាល្បីៗលំដាប់ពិភពលោកជាច្រើនសុទ្ធតែបានមកកាន់ប្រទេសកម្ពុជា មួយចំនួនមកក្នុងន័យដើរកម្សាន្ត ឯមួយចំនួនគឺដើម្បីកិច្ចការមនុស្សធម៌ ។ ក្នុងចំណោមតារាទាំងនោះមានតារាខ្លះបានប្រាប់ថាពួកគេជាប់ចិត្តនឹងប្រទេសកម្ពុជា ក្រោយធ្វើដំណើរមកដល់ប្រទេសមួយនេះ រហូតដល់មានតារាម្នាក់បានចូលសញ្ជាតិខ្មែរទៀតផងព្រោះតែជាប់ចិត្តពេក។

ប្រិយមិត្តប្រហែលជាងចង់ដឹងហើយថាមានតារារូបណាខ្លះ ៖

ANGELINA JOLIE

តារាស្រីរូបនេះគឺជាតារាស្រីតែម្នាក់គត់ដែលមានអនុស្សាវរីជាច្រើនជាមួយនឹងកម្ពុជា។ អ្នកនាងធ្លាប់មកកាន់ប្រទេសកម្ពុជាជាច្រើនលើកច្រើនសារ ដែលការធ្វើដំណើរមកកម្ពុជានេះខ្លះមកដើម្បីកិច្ចការមនុស្សធម៌ ឯពេលខ្លះគឺដើម្បីថតខ្សែភាពយន្ត។ ជាងនេះទៅទៀតតារាស្រីរូបនេះក៏បានយកក្មេងប្រុសកម្ពុជាម្នាក់យកទៅចិញ្ចឹមផងដែរ ហើយនាងចាត់ទុកក្មេងប្រុសម្នាក់នោះដូចជាកូនបង្កើតអីញ្ចឹងគេមានឈ្មោះថា Maddox Chivan Jolie-Pitt ។

អ្វីដែលពិសេសជាងគេរបស់តារាស្រីរូបនេះគឺ អ្នកនាងបានចូលជាសញ្ជាតិខ្មែរ ដែលមានការទទួលស្គាល់ និងព្រះរាជានុញ្ញាតិពីព្រះមហាក្សត្រនៃប្រទេសកម្ពុជាផងដែរ។

JACKIE CHAN (ឈិន ឡុង)

JACKIE CHAN ដែលប្រជាជនកម្ពុជាហៅថា ឈិន ឡុងគឺតារាសម្ដែងក្បាច់គុនចិនលំដាប់ពិភពលោកដ៏ល្បីល្បាញ។តារារូបបនេះធ្លាប់មកកាន់ប្រទេសកម្ពុជាក្នុងឆ្នាំ ២០០៩ ក្នុងនាមជាឯកអគ្គរដ្ឋទូតរបស់អង្គការ Unicef ។ គាត់ធ្លាប់បានសរសើរប្រជាជនកម្ពុជាថា រស់រាយរាក់ទាក់ និងផ្ដល់ភាពកក់ក្ដៅសម្រាប់គាត់ ។

RICKY MARTIN

គាត់គឺជាតារាចម្រៀងអាមេរិកអាទីន ដែលបានមកកម្ពុជាក្នុងឆ្នាំ ២០០៨ ការធ្វើដំណើរមកកម្ពុជាកាលពីឆ្នាំនោះគឺក្នុងគោលបំណងផ្សព្វផ្សាយយុទ្ធនាការប្រយុទ្ធប្រឆាំងនឹងការជួញដូរមនុស្ស ជាមួយនឹងមូលនិធិដែលគាត់បង្កើតឡើងមានឈ្មោះថា Ricky Martin Foundation។

មូលនិធិនេះមានគោលបំណងជួយទៅដល់ស្ត្រី និងកុមារនៅទូរទាំងពិភពលោក ឲ្យរួចផុតពីការជួញដូរ និងរំលោភផ្លូវភេទ រួមស្ត្រីនិងកុមារនៅកម្ពុជាផងដែរ។

CHARLIE CHAMPLIN (សាកឡូ)

សាក់ឡូ និងភរិយា (ស្ថិតក្នុងវ័យចំណាស់) កំពូលតារាកំប្លែងលំដាប់ពិភពលោករូបនេះក៏អ្នកដែលជាប់ចិត្តនឹងប្រទេសកម្ពុជាផងដែរ ដែលការធ្វើដំណើរមកកម្ពុជាលើកនោះគឺជាដំណើរកម្សាន្តរបស់គាត់។

DAVID BECKHAM

អតីតតារាបាល់ទាត់លំដាប់ពិភពលោករូបនេះទើបតែមកកាន់ប្រទេសកម្ពុជាកាលពីឆ្នាំមុនប៉ុណ្ណោះ ដែលដំណើរមកកម្ពុជាលើកនោះគឺក្នុងនាមជា ឯកអង្គរដ្ឋទូត របស់អង្គការ UNICEF ។

ក្រៅពីតារាទាំងនេះ ក៏នៅមានតារាមួយចំនួនទៀតផងដែរដែលជាប់ចិត្ត និងកម្ពុជា ប៉ុន្តែដោយសារមិនមានឯកសារយោងគ្រប់ជ្រុងជ្រោយ ខ្ញុំសម្រេចចិត្តមិនទាន់ដាក់គេបញ្ចូល នៅពេលមានគ្រប់គ្រាន់ខ្ញុំនឹងចុះផ្សាយសារជាថ្មីដោយបន្ថែមពួកគេចូល។

ប្រភពៈ​ JEKJAYNEWS.INFO​