ទំនៀមទម្លាប់ ៨ យ៉ាងតាមក្បួនហុងស៊ុយ ដែលអ្នកគួរអនុវត្ដ នៅពេលប្ដូរទៅលំនៅដ្ឋានថ្មី – Kalib9 ចែកចាយ ប្លែកៗ | Kalib9
kalib9

ទំនៀមទម្លាប់ ៨ យ៉ាងតាមក្បួនហុងស៊ុយ ដែលអ្នកគួរអនុវត្ដ នៅពេលប្ដូរទៅលំនៅដ្ឋានថ្មី

មានក្បួនតម្រា និង​ច្បាប់​តាម​ក្បួន​ហុងស៊ុយ​ជាច្រើន នៅពេល​និយាយ​ដល់​ព្រឹត្តិការណ៍ និង​ទំនៀមទម្លាប់សំខាន់ៗ ដូចជា​ការរៀប​អាពាហ៍ពិពាហ៍ ការ​មាន​ផ្ទៃពោះ ការ​ប្រារព្ធ​ពិធី​ពិធីបុណ្យ​ដូចជា បុណ្យចូលឆ្នាំ និង​ពិធី​ជាច្រើន​ទៀត រួមបញ្ចូល​ទាំង​ការប្ដូរ​លំនៅដ្ឋាន​ផងដែរ ដែល​យើង​នឹង​បកស្រាយ នៅក្នុង​អត្ថបទ​ខាងក្រោម​នេះ។

១. មិនត្រូវ​ប្ដូរ​ទៅ​គេហដ្ឋាន​ថ្មី​ទាំង​ដៃទទេ ដោយ​គ្មានអ្វី​សោះ​ទេ

ថ្ងៃ​ដំបូង​នៃ​ការប្ដូរ​ទៅ​រស់នៅ ក្នុង​លំនៅដ្ឋាន​ថ្មី​របស់​អ្នក វា​ជា​និមិត្តរូប​បញ្ជា​ក់នូវ​ការចាប់ផ្តើម​ជីវិត​រស់នៅ​ថ្មី​ដ៏​ស្រស់បំព្រង ដូច្នេះ​អ្នក​មិនត្រូវ​ចូល​ផ្ទះ​ថ្មី​ទាំង​ដៃទទេ​នោះទេ។ អ្នក​គួរតែ​នាំទៅ​ជាមួយ​នូវ​វត្ថុ​មានតម្លៃ​ដូចជា ប្រអប់​គ្រឿងអលង្ការ សៀវភៅ​ធនាគារ កញ្ចប់​អាំង​ប៉ាវ ដែលមាន​ដាក់​ប្រាក់ ១៣៨ ដុល្លារ​អាមេរិក និង​កាបូប​លុយ  ដោយមាន​ដាក់​ប្រាក់​យ៉ាង​ពេញបរិបូរណ៍។ ក្រៅពីនោះ ចូរ​ចងចាំ​ថា អ្នក​ត្រូវ​ស្លៀកពាក់​ឱ្យបាន​សមរម្យ និង​ចៀសវាង​ការ​ស្លៀកខោ​ខូវប៊យ​រហែក និង​កខ្វក់។

ប្រសិនបើ​អ្នក​អនុវត្ដ​បាន​ទាំងអស់​ដូច​ការរៀបរាប់​ខាងលើ វា​នឹង​ឆ្លុះ​បង្ហាញ​ពី​អនាគត​ថ្មី​ដ៏​ភ្លឺស្វាង ព្រមទាំង​ទទួលបាន​នូវ​លាភ​សំណាង និង​ទ្រព្យសម្បត្តិ ។

២. មិនត្រូវ​ធ្វើការ​ជួសជុល ឬ​កែកុន​អ្វី​តូចតាច​បន្ថែមទៀត​ទេ ក្រោយពី​ចូល​រស់នៅ​ផ្ទះ​ថ្មី

វា​គឺជា​កត្តាចាំបាច់ ក្នុងការ​ធ្វើឱ្យ​ជាក់​ប្រាកដថា កិច្ចការ​ផ្លាស់ប្ដូរ​កែប្រែ​ថ្មី​នៃ​លំនៅដ្ឋាន ត្រូវបានធ្វើ​រួចរាល់​ទាំងស្រុង មុនពេល​រើ​ទៅ​នៅ ហើយ​ប្រសិនបើ​អ្នក​ចាំបាច់​ត្រូវតែ​ធ្វើការ​កែប្រែ​បន្តិចបន្ដួច​ថែមទៀត បន្ទាប់ពី​រើ​ទៅ​នៅ​នោះ យក​ល្អ អ្នក​គួរ​រើស​ពេលា ឱ្យបាន​សមគួរ​មុនពេល​ធ្វើការ​កែកុន​បន្ថែ​ម​ទៀត។ សូម​ចងចាំ​ថា ការ​គ្រាន់តែ​ប្រមូល​របស់របរ​បន្ដិចបន្ដួច​ចេញ មិន​ចាត់ទុកថា ជាការ​កែប្រែ​ផ្លាស់ប្ដូរ​នោះទេ។

៣. ស្ត្រី​មាន​ផ្ទៃពោះ​ត្រូវ​ជៀសវាង​ការ​រើ​ផ្ទះ

ប្រសិនបើ​ក្នុងផ្ទះ​របស់​អ្នក មាន​ស្ត្រី​មាន​ផ្ទៃពោះ នាង​គួរតែ​ស្នាក់​នៅផ្ទះ​ម្តាយ​របស់​នាង ហើយ​មិនត្រូវ​ចូលរួម​នៅក្នុង​ការ​រើ​ផ្ទះ​ឡើយ ជាពិសេស​ត្រូវ​ចៀសវាង​ការចូលរួម​ដំណើរការ​ជួសជុលផ្ទះ។

៤. ការ​រើស​វេលា​ល្អ គឺជា​កត្ដា​ចាំបាច់ ហើយ​ត្រូវ​រើ​ប្ដូរ​ទៅ​លំនៅដ្ឋាន​ថ្មី ឱ្យបាន​មុនពេល​ថ្ងៃត្រង់

អ្នក​ត្រូវតែ​ជ្រើស​រើសយក​វេលា​ល្អ សម្រាប់​ការផ្លាស់ប្តូរ​លំនៅដ្ឋាន ដោយ​មើល​តាម​ប្រតិទិន​ច័ន្ទ​គតិ ដោយ​ជ្រើស​រើសយក​កាលបរិច្ឆេទ ដែល​ល្អ​សម្រាប់​ការប្តូរ​លំនៅដ្ឋាន ឬ​គ្រូ​ហុងស៊ុយ ដោយ​ជ្រើស​រើសយក​វេលា ដែល​មិន​ឆុង​នឹង​រាសី​សមាជិកគ្រួសារ​រប​ស់​អ្នក។ យក​ល្អ អ្នក​គួរ​រើ​ទៅ​នៅផ្ទះ​ថ្មី នៅវេលា​ព្រឹក ពីព្រោះ ការកំណត់​ពេលណា​មួយ​ឱ្យបាន​មុនពេល​ថ្ងៃត្រង់ គឺ​ត្រូវបាន​ចាត់ទុកថា​ជា​វេលា​ល្អ (Yang)  ខណៈពេល វេលា​ថ្ងៃត្រង់​ត្រូវបាន​ចាត់ទុកថា ជា​វេលា​គ្រោះ “Ying”។

៥. ផ្ទះ​ថ្មី​ត្រូវតែ​សាទរ ដោយ​ការបើក​ភ្លើង​បំភ្លឺ

អំពូល​ភ្លើង​ទាំងអស់​នៅក្នុង​គេហដ្ឋាន​ថ្មី គួរតែ​បើក​បំភ្លឺ​ឱ្យបាន​រយៈពេល ៣ ថ្ងៃ​ជាប់​គ្នា មុនពេល​រើម​កនៅ ។ ការធ្វើ​ដូន​នេះ គឺ​ដើម្បី​បង្ហាញ​ពី​អនាគត​មួយ​ដ៏​ភ្លឺស្វាង និង​វិបុលភាព​សម្រាប់​សមាជិកគ្រួសា​រ ព្រមទាំង​កម្ចាត់​បង់​នូវ​ថាមពល​អវិជ្ជមាន ដែលមាន​ស្រាប់​នៅក្នុង​ផ្ទះ។

៦. អញ្ជើញ មិត្តភក្តិ និង​សាច់ញាតិ​ដើម្បី​អបអរ​ក្នុងឱកាស​ដ៏​រីករាយ​នេះ

វា​ជា​ការល្អ​សម្រាប់​អ្នក ក្នុង​ការអញ្ជើញ​មិត្តភក្តិ និង​សាច់ញាតិ​របស់​អ្នក ទៅកាន់​ផ្ទះ​ថ្មី​របស់​អ្នក ដើម្បី​អបអរ​ថ្ងៃ​ឡើងផ្ទះ​ថ្មី។ ប្រសិនបើ​អ្នក​មានការ​រវល់​ខ្លាំង​នៅថ្ងៃនោះ អ្នក​អាច​ជ្រើស​រើសយក​ថ្ងៃមួយ​ផ្សេងទៀត​សម្រាប់​ការ​ជប់លៀង​ឡើងផ្ទះ​ថ្មី​នេះ។ នេះ​គឺ​ដើម្បី​បង្កើន​ប្រជាប្រិយភាព​នៃ​ផ្ទះ​នោះ ដើម្បីឱ្យ​វា​អាច​រីកចម្រើន​រុងរឿង ។

៧. អ្នក​ត្រូវមាន​វត្ដ​មាន ក្នុងអំឡុងពេល​នៃ​ការ​រើ​ចូល​នៅផ្ទះ​ថ្មី

អ្នក​ត្រូវតែមាន​វត្ដ​មាន ក្នុងអំឡុងពេល​នៃ​ការ​រើ​ចូល​នៅផ្ទះ​ថ្មី ហើយ​អ្នក​មិនត្រូវ​សុំឱ្យ​នរណាម្នាក់​ធ្វើ​កិច្ចការ​នេះ​ជំនួស​អ្នក​នោះទេ។ នេះ​គឺ​ដើម្បី​ការពារ​លាភ និង​ទ្រព្យសម្បត្តិ​ផ្ទាល់ខ្លួន​របស់​អ្នក។

៨. ត្រូវ​បើក​ចង្ក្រាន​ធ្វើ​អាហារ និង​បង្អែម

នៅ​ថ្ងៃ​រើម​កនៅ​គេហដ្ឋាន​ថ្មី  អ្នក​ត្រូវ​បើក​ចង្ក្រាន​របស់​អ្នក និង​ចម្អិន នំ​អ៊ី/នំ ឬ​តែ​ផ្អែម ដើម្បី​ជា​និមិត្តរូប​នៃ​ភាពជោគជ័យ។

tangyuan1

សូមកុំ​ភ្លេច​ចែករំលែក​អត្ថបទ​នេះ ទៅ​មិត្តភក្តិ ឬ មនុស្ស​ជាទី​ស្រឡាញ់​របស់​អ្នក ដែល​កំពុង​រើ​ទៅ​នៅ​លំនៅដ្ឋាន​ថ្មី៕

ប្រភព kampucheathmey

Who want to apply to study in Japan? And don’t know how to apply, right? Ok, Don’t worry. Please take your mobile and then call to 069373168 for consulting. Don’t be late because admission nearly close.

error: Content is protected !!